दिल्लीको बाल अस्पतालमा आगलागी हुँदा ६ नवजात शिशुको मृत्यु, ६ भेन्टिलेटरमा

अनलाइनसमय |
१३ जेठ २०८१
दिल्लीको बाल अस्पतालमा आगलागी हुँदा ६ नवजात शिशुको मृत्यु, ६ भेन्टिलेटरमा

काठमाडौं, १३ जेठ । भारतको राजधानी दिल्लीस्थित एक बाल अस्पतालमा आगलागी हुँदा ६ नवजात शिशुको मृत्यु भएको छ । सनिबार राति साढे ११ बजे तिर पूर्वी दिल्लीको विवेक बिहारस्थित एक बेबी केयर सेन्टरमा आगलागी भएको भारतका सञ्चारमाध्यमहरूले जनाएका छन् ।

आगलागीमा परेर घाइते भएका ६ जना नवजात शिशुको अहिले भेन्टिलेटरमा राखेर उपचार भइरहेको छ । १२ जना नवजात शिशुको भने सकुशल उद्धार गरिएको छ ।

आगो लाग्नुको कारण अहिलेसम्म पत्ता नलागेको अग्नि नियन्त्रण अधिकारीलाई उद्धृत गर्दै भारतीय मिडियाले लेखेका छन् । आगोले अस्पताल छेउछाउका भवनहरूमा समेत क्षति गरेको छ ।

 

Leave a Reply

Your email address will not be published. Required fields are marked *

खोज्नुहोस