प्रधानमन्त्रीले संसदको सामना गर्ने आँट राख्नुपर्छ: माधव नेपाल

अनलाइनसमय |
२२ असार २०८१
प्रधानमन्त्रीले संसदको सामना गर्ने आँट राख्नुपर्छ: माधव नेपाल

काठमाडौं, २१ असार । नेकपा (एकीकृत समाजवादी) का अध्यक्ष माधवकुमार नेपालले प्रधानमन्त्रीले संसदको सामना गर्ने आँट गर्नुपर्ने बताएका छन् ।

शुक्रबार महाधिवेशनस्थलमा सञ्चारकर्मीसँग कुरा गर्दै उनले आफू अहिलेको सरकारमा कायम रहेको उल्लेख गर्दै यस सरकारले संसदको सामना गर्ने आँट राख्नुपर्ने बताए ।
उनले भने, ‘हामी अहिलेको यो सरकारमा कायम रहेका छौं । यो सरकारले संसदको सामना गर्ने आँट राख्नुपर्छ । हाम्रो पार्टीहरूको बीचको सम्बन्धलाई कायम राख्नुपर्छ ।’

पार्टीहरूबीचको सम्बन्धलाई कायम राख्न आवश्यक रहेको उनको भनाइ छ । सबै राजनीतिक दलहरूले संसदलाई बलियो बनाउन र अहिलेको परिपाटीलाई बचाउन, जोगाउनका लागि मिलेर अघि बढ्नुपर्ने नेपालले बताए ।

उनले आफ्नो दलले लोकतन्त्र, गणतन्त्र, संविधानको रक्षा गर्न, परिवर्तनको गतिलाई तीव्र बनाउन सकारात्मक भूमिका निर्वाह गर्ने बताए । साथै अध्यक्ष नेपालले राष्ट्रिय सरोकारका विषयमा व्यापक परामर्श गरेरमात्रै अघि बढ्न आवश्यक रहेको बताए ।

Leave a Reply

Your email address will not be published. Required fields are marked *

खोज्नुहोस