काठमाडौं, २४ असार । सहकारी संस्था बचत रकम दुरुपयोग सम्बन्धमा संसदीय छानबिन विशेष समितिले नेपाल राष्ट्र बैंक, बैंकर्स संघ, कर्जा सूचना केन्द्रका प्रतिनिधिसँग छलफल गरिरहेको छ ।

सोमबार सिंहदरबारमा बसेको बैठकमा सहकारीको समस्या र समाधानका सम्बन्धमा नेपाल राष्ट्र बैंकका गभर्नर महाप्रसाद अधिकारी, नियमन विभागका प्रमख गुरुप्रसाद पौडेल, राष्ट्र बैंकका प्रवक्ता डा गुणाकर भट्ट, बैंकर्स संघका अध्यक्ष सुनिल केसी, कर्जा सूचना केन्द्रका प्रतिनिधि लगायतसँग छलफल गरेको हो ।

यसअघि समितिले गृहमन्त्रालयका सचिव, प्रहरी प्रमुख, सीआईबी प्रमुख र उपत्यका अपराध अनुसान्धान कार्यालयका प्रमुखसँग पनि छलफल गरेको थियो ।

यस्तै नेकपा एमालेका सांसद सूर्य थापा सभापति रहेको संसदीय समितिले राजनीतिक दलबाट पनि सहकारीका समस्या समाधानका लागि सुझाव लिन पत्राचार गरेको छ ।